काठमाडौं । बैंकिङ कसुरसम्बन्धी मुद्दामा फरार रहेका एक व्यक्तिलाई प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले लामो समयदेखि खोजीमा रहेका व्यक्तिलाई नियन्त्रणमा लिएको हो।
पक्राउ पर्नेमा काठमाडौं महानगरपालिका–२२ निवासी ५३ वर्षीय प्रणवलाल सिंह रहेका छन्। कार्यालयका प्रवक्ता तथा प्रहरी उपरीक्षक रामेश्वर कार्कीका अनुसार अदालतबाट पक्राउ पुर्जी जारी भएपछि फरार रहेका सिंहलाई काठमाडौं–१३ छाउनी क्षेत्रबाट नियन्त्रणमा लिइएको हो।
प्रहरीले पक्राउपछि उनलाई थप अनुसन्धान र कानुनी प्रक्रिया अगाडि बढाउन प्रहरी वृत्त जनसेवा, काठमाडौं पठाएको जनाएको छ।
