ललितपुर । नेकपा माओवादी केन्द्रमा एकैदिन ३०० जना भन्दा बढी नेता तथा कार्यकर्ताले प्रवेश गरेका छन् । आज ललितपुरमा विभिन्न पार्टी परित्याग गरी करिब ३०० जना नेता तथा कार्यकर्ता नेकपा माओवादी केन्द्रमा प्रवेश गरेका हुन् ।

शुक्रबार ललितपुरको महालक्ष्मीस्थानस्थित आयोजित कार्यक्रममा गृहमन्त्रीसमेत रहेका माओवादी केन्द्रका वरिष्ठ उपाध्यक्ष नारायणकाजी श्रेष्ठले पार्टी प्रवेश गराएका हुन् ।

ललितपुर जिल्ला संयोजक शिव कट्टेलको अध्यक्षतामा आयोजित कार्यक्रममा पार्टी प्रवेश गराइएको हो ।

विप्लव नेतृत्वको नेकपामा रहेका श्याम बज्राचार्यको नेतृत्वमा रोशन महर्जन, संसारलाल वैद्य, शुकबहादुर देउला, नवीन महर्जनलगायतका करिब ३०० जनाले पार्टी प्रवेश गरेका हुन् ।