काठमाडौं । प्रभु बैंकले संस्थापक शेयर बिक्रीमा ल्याएकाे छ । प्रभु बैंकको ६ लाख ११ हजार बढी कित्ता संस्थापक शेयर बिक्रीमा रहेको हाे ।
बैंकले विभिन्न संस्थापक शेयरधनीहरुको नाममा रहेको कुल ६ लाख ११ हजार ४४३ कित्ता संस्थापक शेयर बिक्री ल्याएको हो । उक्त शेयरमा विद्यमान संस्थापक शेयरधनीहरुले खरिद आवेदन दिन पाउनेछन् ।
शेयर खरिदका लागि ३५ दिनभित्र आवेदन दिनुपर्नेछ। आवेदन काठमाडौंको बबरमहलस्थित बैंकको केन्द्रीय कार्यालयमा बुझाउनुपर्नेछ ।
बैंकले तोकिएको म्यादभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थाका लागि शेयर विक्री गरिने बैंकले जनाएको छ ।
