काठमाडौँ । काठमाडौँ महानगरपालिकाले चाडपर्व लक्षित गरेर धरहराभित्र अस्थायी पार्किङको व्यवस्था गरेको छ । निर्माणाधीन अवस्थामा रहेको धरहराको भूमिगत पार्किङलाई चाडपर्वका लागि प्रयोग गर्ने महानगरले व्यवस्था गरेको हो ।
बडा दसैँ, दीपावली, नेपाल संवत् ११४४ तथा छठ पर्वको अवसरमा धरहरा क्षेत्र भित्र रहेको भूमिगत पार्किङलाई खुला गरेको हो ।
आइतबारदेखि उक्त स्थानमा निःशुल्क रूपमा अस्थायी पार्किङको व्यवस्था गरिएको काठमाडौँ महानगरले जनाएको छ ।
उक्त पार्किङ्ग छठसम्म निःशुल्क सञ्चालन हुने महानगरले जानकारी गराएको छ ।
