काठमाडौं । नेपाल राष्ट्र बैंकले १० अर्बको विकास ऋणपत्र निष्काशन गर्दैछ । नेपाल सरकारको रु. १० अर्बको ८ वर्षे विकास ऋणपत्र २०८८ ‘घ’ निष्काशन गर्ने भएकाे हाे ।
उक्त ऋणपत्रमा भोली असोज २५ गते आवेदन दिन सकिनेछ ।
उक्त ऋणपत्रमा असोज २५ गते बोलकबोल मार्फत आवेदन पेश गर्न सकिनेछ । त्यस्तै, पर्सि अर्थात असोज २६ गते ऋणपत्र निष्काशन गरिनेछ ।
राष्ट्र बैंकका अनुसार ऋणपत्रको बोलकबोलमा बैंक तथा वित्तीय संस्था, गैर–बैंक वित्तीय संस्था, बीमा कम्पनी तथा नेपाली नागरिकहरुले भाग लिन सक्नेछन् ।
