काठमाडाैं । नेपाली बजारमा आज फेरि सुनको मूल्यले नयाँ कीर्तिमान कायम गरेको छ । आज सुनको मूल्य तोलामा १ हजार ८०० रुपैयाँले बढेको हाे ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख १५ हजार ५०० रुपैयाँ र तेजाबी सुन प्रतितोला १ लाख १४ हजार ९५० रुपैयाँ कायम भएको छ । यो हालसम्मकै उच्च मूल्य हो ।
सुनकाे मूल्यले हिजाे पनि कीर्तिमान बनाएकाे थियाे । हिजो छापावाला सुन प्रतितोला १ लाख १३ हजार ७०० रुपैयाँ र तेजाबी सुन प्रतितोला १ लाख १३ हजार १५० रुपैयाँमा कारोबार भएको थियो ।
आज चाँदीको भाउ तोलामा ५ रुपैयाँले बढेर १ हजार ४०० रुपैयाँ कायम भएको छ । हिजो तोलामा १५ रुपैयाँले घटेर चाँदी १ हजार ३९५ रुपैयाँमा कारोबार भएको थियो ।
