काठमाडौं । साताको पहिलो कारोबार दिन आइतवार सुनको मूल्य घटेको छ । गत शुक्रवार भने सुनको मूल्य हालसम्मकै उच्च थियो । आइतवार सुन प्रतितोला १ हजार ७०० रुपैयाँले घटेको हो ।
नेपाल सुनचाँदी व्यवसायी महासघंका अनुसार आइतवार सुन प्रतितोला १ लाख ११ हजार ६०० रुपैयाँमा कारोबार भइरहेको छ । अघिल्लो दिन अर्थात् शुक्रवार भने सुनको मूल्य १ लाख १३ हजार ३०० रुपैयाँमा कारोबार भएको थियो ।
त्यसैगरी, यो दिन चाँदीको मूल्य पनि घटेको छ । महासघंका अनुसार यो दिन चाँदी प्रतितोला २० रुपैयाँले घटेर १ हजार ४१५ रुपैयाँ कायम भएको छ । अघिल्लो दिन चाँदी १ हजार ४३५ रुपैयाँमा कारोबार भएको थियो ।
