काठमाडौं । साताको दोस्रो कारोबार दिन सोमबार सुनचाँदीको मूल्य स्थिर रहेको छ ।
नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला १ लाख ११ हजार ६०० रुपैयाँमा कारोबार भइरहेको छ । आइतबार पनि सुन सोही मूल्यमा कारोबार भएको थियो। यसैगरी, तेजाबी सुनको मूल्य प्रतितोला १ लाख ११ हजार ५० रुपैयाँमा खरिदबिक्री भइरहेको छ ।
साताको दोश्रो कारोबार दिन चाँदीको मूल्य पनि स्थिर रहेको छ । यस दिन चाँदीको मूल्य प्रतितोला १ हजार ४१५ रुपैयाँमा कारोबार भइरहेको छ ।
विश्व बजारमा भने यो दिन सुनचाँदीको मूल्य घटेको छ । यो दिन सुन प्रतिऔंस १ हजार ९४४ डलरमा कारोबार भइरहेको छ ।
