काठमाडौं । सर्वोत्तम सिमेन्टले लाभांश घोषणा गरेको छ । आज बसेको कम्पनीको संचालक समितिको बैठकले आर्थिक वर्ष २०७९।८० को मुनाफाबाट १५ प्रतिशत लाभांश वितरण गर्ने प्रस्ताव गरेको हो ।
जस अनुसार कम्पनीले हाल कायम चुक्ता पुंजीको १५ प्रतिशत कर सहित नगद लाभांश वितरण गर्ने प्रस्ताव गरेको छ भने कम्पनीले कुल ६९ करोड ७५ लाख बराबरको नगद लाभांश वितरण गर्ने प्रस्ताव गरेको हो ।
कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण गर्ने छ । साथै, हाल कम्पनीको चुक्ता पुंजी ४ अर्ब ६५ करोड रहेको छ ।
कम्पनीले वैशाख १२ गते बुधबार रुपन्देहीमा साधारणसभा आह्वान गरेको छ । सोही साधारणसभा प्रयोजनको लागि चैत्र ३० गते बुक क्लोज गर्ने निर्णय गरेको छ । चैत्र २९ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउने भएका छन् ।
