काठमाडौँ । मङ्गलवारका दिन सामान्य अंकले घटेको सुनको मूल्यले बुधवारका दिन नेपाली बजारमा कीर्तिमानी कायम गरेको छ ।
सुनको मूल्य हालसम्मकै महँगो भएको छ। अघिल्लो दिन प्रतितोला ४ सय रुपैयाँले घटेको सुनको मूल्य आज भने प्रतितोला १८ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाला सुनको मूल्य तोला १८ सय रुपैयाँले बढ्दै प्रतितोला १ लाख ३३ हजार रुपैयाँ कायम भएको छ ।
एक दिन सस्तिँदैमा सुनको मूल्यमा कमी आउँछ भन्ने आधार छैनन् : महासंघ अध्यक्ष श्रेष्ठ
त्यस्तै आज तेजावी सुनको मूल्य पनि १५ सय रुपैयाँले बढेर प्रतितोला १ लाख ३२ हजार ३५० कायम छ । चैत १९ गते नेपाली बजारमा सुनको मूल्य हालसम्मकै महँगो बनेको थियो ।
त्यस दिन छापावाला सुनको मूल्य प्रतितोला १ लाख ३१ हजार ६ सय र तेजावी सुनको मूल्य १ लाख ३० हजार ९५० रुपैयाँ कायम भएको थियो । आज चाँदीको मूल्य पनि बढेको छ ।
चाँदीको मूल्य तोलामा ६५ रुपैयाँले बढेर प्रतितोला १ हजार ६ सय १० रुपैयाँ कायम भएको छ । सुनको मूल्य थप बढ्न सक्ने प्रशस्त कारणहरू रहेको सुनचाँदी व्यवसायी महासंघका अध्यक्ष मणिकरत्न शाक्यको भनाई छ ।
