काठमाडौं । सुनसरीको भुताहामा दुई समूहबिच झडप भएपछि उक्त झडप नियन्त्रणका लागि प्रहरीले ६ राउन्ड हवाई फायर गरेको छ।
हरिनगर गाउँपालिका–१ भुताहामा एक युवकलाई निर्घात कुटपिट गरेको घटनाले उग्र रूप लिएपछि प्रहरीले ६ राउन्ड हवाई फायर गरेको हो । हवाई फायरसँगै प्रहरीले ११ राउन्ड अश्रूग्यास समेत प्रहार गरेको छ।
घटना थप जटिल बन्दै गएपछि स्थानीय प्रशासनले अनिश्चित कालीन निषेधाज्ञा जारी गरेको छ। झडपमा चार जना सामान्य घाइते भएका छन् । घाइतेलाई उपचारका लागि विराटनगर पुर्याएको छ ।
