रेकर्ड कायम गरेको डलरको भाउमा ब्रेक,आज कुन देशको विनिमय दर कति ?

काठमाडौंः नेपाल राष्ट्रबैंकले आज बिहीवारका दिन विदेशी मुद्राको विनिमयदर सार्वजनिक गरेको छ । जस अनुसार २ दिनसम्म लगातार बढेर रेकर्ड कायम गरेको अमेरिकी डलरको भाउ बिहीबार स्थिर छ।

बिहीबार १ डलरको बिक्रीदर १३३ रुपैयाँ ९६ पैसा कायम भएको छ । यस्तै, खरिददर पनि १३३ रुपैयाँ ३६ पैसा कायम भएको छ। पछिल्लो समय डलरको तुलनामा भारतीय रुपैयाँ पनि निरन्तर कमजोर बन्दै गएको छ।

यस्तैगरी, बेलायती पाउण्ड एकको खरिद दर १६६ रुपैयाँ १४ पैसा र बिक्री दर १६६ रुपैयाँ ८९ पैसा रहेको छ । कतारी रियालको मूल्य एकको खरिद दर ३६ रुपैयाँ ५७ पैसा र बिक्री दर ३६ रुपैयाँ ७३ पैसा रहेको राष्ट्र बैंकले जनाएको छ ।