काठमाडौं । भियतनामबाट एकै पटक १८० जना बुद्धिस्ट पर्यटकहरु नेपाल आएका छन् । उनीहरु एउटै चार्टड उडानको प्रयोग गरेर नेपाल आएका हुन् ।
यतिको ठूलो सङ्ख्यामा एकै पटक भियतनामी बौद्ध धर्मालम्बी एकैपटक नेपाल आएको पहिलो पटक भएको भन्दै त्यसले अहिले ठूलो चर्चा समेत पाइरहेको अवस्था छ ।
१८० तीर्थालु भियतनामको हनोइबाट हिमालय एयरलाइन्सको चार्टर फ्लाइट मार्फत सिधै त्रिभुवन विमानस्थलमा आएका हुन् ।
साथै, ती भियतनामी पर्यटकहरू ७ रात र ८ दिनको यात्रामा काठमाडौं आएका हुन भने उनीहरुले बौद्ध गुम्बा र चैत्यहरूको भ्रमण गर्ने तालिका रहेको छ । त्यसको साथै उनीहरुले एक रात भने हलेसिमा समेत बिताउँने बताइएको छ ।
