काठमाडौं। अभियान लघुवित्त वित्तीय संस्था लिमिटेडले असार ६ गतेका लागि चौथो वार्षिक साधारण सभा बोलाएको छ ।

कम्पनीको जेठ १४ गते बसेको संचालक समितिको बैठकले काभ्रेपलाञ्चोकको पनौतीस्थित ताम्राकार पार्टी भेन्युमा बिहानको ११ बजे बस्ने गरी सभा बोलाएको हो।

कम्पनीले लाभांश सम्बन्धी भने कुनै प्रस्ताव पेश गरेको छैन् । सभाले गत आवको वार्षिक प्रतिवेदन, नाफा नोक्सान, नगद प्रवाह लगायतका वित्तीय विवरण छलफल गरी पारित गर्नुका साथै चालु आवका लागि लेखापरीक्षक नियुक्त गरी पारिश्रमिक निर्धारण गर्ने भएको छ ।

कम्पनीले अन्य कुनै ‘घ’ वर्गको लघुवित्त कम्पनीसँग मर्जरको प्रक्रिया अघि बढाउन उपयुक्त देखिएमा सोका लागि समिति गठन गर्ने, मूल्याङ्कनकर्ताको नियुक्ती गर्ने तथा मर्जरका लागि सम्झौतापत्रमा हस्ताक्षर गर्न तथा प्रबन्धपत्र र नियमावलीमा आवश्यक संशोधन गर्न अख्तियारी प्रदान गर्नेजस्ता ऐजेण्डा रहेका छन् ।

सभा प्रयोजनार्थ कम्पनीले जेठ २१ गते एक दिन बुक क्लोज गर्ने जनाएको छ । यसको आधारमा जेठ २० गतेसम्म कायम शेयरधनी सभामा सहभागी बन्न योग्य हुनेछन् ।