काठमाडौँ । काठमाडौँ महानगरपालिकालाई सडक डिभिजन कार्यालयले काठमाडौँको  न्यूरोडस्थित जुद्ध शालिक–इन्द्रचोक सडकलाई पहिलेकै अवस्थामा फर्काउन निर्देशन दिएको छ ।

सडक विभागअन्तर्गतको सडक सुपरिवेक्षण तथा अनुगमन कार्यालय काठमाडौँले काठमाडौँ महानगरलाई एक पत्र लेख्दै भत्काइएको सडक खण्ड २ दिनभित्र पुरस्थापना गर्नका लागि निर्देशन गरेको छ ।

उक्त सडक निर्धारित समयभित्र मर्मत नभएमा सार्वजनिक सडक ऐनअनुसार कारबाही प्रक्रिया अगाडि बढाउने कार्यालयले पत्र मार्फत चेतावनी दिएको छ ।