काठमाडौँ । शुभम् पावरद्वारा सञ्चालित तल्लो पिलुवा खोला आयोजनाबाट पुनः विद्युत् उत्पादन सुरु भएको छ। बाढीले बन्द भएको आयोजनाले एक वर्षपछि विद्युत् उत्पादन थालेको हो।
२०८० साल असार २ गते आएको बाढीले उक्त आयोजनामा व्यापक क्षति पुयाएपछि बन्द भएको थियो । उक्त आयोजनाको मर्मत पश्चात् जेठ २२ गतेदेखि विद्युत् उत्पादन सुरु भएको हो ।
कम्पनीले संखुवासभा जिल्लाको चैनपुर नगरपालिका–९ स्थित पिलुवा खोला साना जलविद्युत् आयोजनाबाट ९९० किलोवाट क्षमताको जलविद्युत् आयोजना निर्माण गरेको छ ।
