मकवानपुरका वडाध्यक्ष थिङ लागुऔषधिगाँजा सहित पक्राउहेटौँडा । मकवानपुरको थाहा नगरपालिका– ७ का वडाध्यक्ष शिवराज थिङ लागुऔषधगाँजासहित पक्राउ परेका छन् ।
लागुऔषध नियन्त्रण ब्युरो र इलाका प्रहरी कार्यालय पालुङको टोलीले वडाध्यक्ष थिङसहित ३ जनालाई लागुऔषध गाँजासहित पक्राउ गरेको हो।
सोमबार बिहान थाहा नगरपालिका–७ आग्राका ७६ वर्षीय भीमबहादुर थिङ, वडाध्यक्ष शिवराज थिङ र ६७ वर्षीय ईन्द्रबहादुर थिङ पक्राउ परेका हुन् । इन्द्रबहादुरको घरमा प्रहरीले जाँच गर्दा १७५ किलोग्राम, वडाध्यक्ष थिङ र भीम बहादुरको घरबाट ३० वटा पोकामा २७ किलो गाँजाको धुलो फेला परेको जिल्ला प्रहरी कार्यलय मकवानपुरले बताएको छ।
