काठमाडौँ । नवनियुक्त उपप्रधान तथा अर्थमन्त्री विष्णुप्रसाद पौडेलले वैकल्पिक वित्तसम्बन्धी कार्यविधि स्वीकृत गरेका छन्।
सोमबार कार्यभार सम्हाल्दै अर्थमन्त्री पौडेलले वैकल्पिक वित्तसम्बन्धी कार्यविधि स्वीकृत गर्ने पहिलो निर्णय गरेका हुन् । ब्लेन्डेड फाइनान्स, ग्रिन क्लाइमेट फन्ड लगायत वैकल्पिक वित्तीय स्रोत प्राप्ति र प्रयोगसम्बन्धी कार्यविधिले ती स्रोत लिन सहज हुने उनको भनाई छ ।
विकास वित्तको विकल्पका रूपमा यो आएको मन्त्री पौडेलले बताए । सेयर बजार अर्थतन्त्रको ऐना रहेको भन्दै उनले अनुकूल परिस्थिति बनाउनेतर्फ आफू लाग्ने बताए । साथै अर्थतन्त्रको सबै क्षेत्रलाई चलायमान बनाउन आफू हर प्रयास गर्न तयार रहेको बताएका छन् ।
