काठमाडौं । कृषि विकास बैंकले ब्याज भुक्तानी गर्दा ७ प्रतिशत छुट दिने भएको छ । बैंकले असार महिना भित्र ब्याज भुक्तानी गर्दा ७ प्रतिशत छुट दिने भएको हाे ।

बैंकबाट कर्जा लिई कारोवार गरिरहेका कर्जा ग्राहकहरूले असार मसान्तसम्म ब्याज रकम चुक्ता गरेमा भुक्तानी गरेको ब्याज रकममा ७ प्रतिशत छुट दिने बैंकले बताएकाे छ ।

बैंकले राष्ट्रको व्यवसायीक क्षेत्रमा भएको असहज परिस्थितिलाई मध्यनजर गर्दै असार महिना भित्र सबै प्रकारको कर्जाको ब्याज भुक्तानी गर्दा छुट दिने भएकाे हाे ।

यस सम्वन्धी थप जानकारीका लागि आफुले कारोवार गरिरहेको कृषि विकास बैंकको शाखामा सम्पर्क गर्न समेत बैँकले आह्वान गरेको छ ।