काठमाडौँ। ओरियण्टल होटल्स् लिमिटेडले लाभांश घोषणा गरेको छ। भदौ २७ गते बसेको कम्पनी सञ्चालक समितिको बैठकले गत आवका लागि सेयरधनीहरुलाई ५ प्रतिशत बोनस सेयर र ०.२६३१६ नगद लाभांश (कर प्रयोजनका लागि) गरी जम्मा ५.२६३१६ वितरण गर्ने निर्णय गरेको हो।
असोज २० गते ललितपुरको जावलाखेलमा रहेको नेपाल प्रशासनिक प्रशिक्षण प्रतिष्ठानमा २७ औँ वार्षिक साधारण सभा गर्ने कम्पनीको निर्णय रहेको छ । बैठकमा लाभांशको प्रस्ताव र सोही अनुसार चुक्तापूँजी वृद्धि गर्ने प्रस्ताव पारित गर्ने प्रस्ताव रहेको छ।
यस्तै सभामा आव २०८०/०८१ को वार्षिक प्रतिवेदनमाथि छलफल गरी पारित गर्ने, लेखापरिक्षकको प्रतिवेदन सहितको २०८१ असार मसान्तको वासलात तथा आव २०८०/०८१ को नाफा नोक्सान हिसाब, एवम् सोही अवधिको नगद प्रवाह विवरण, ईक्वीटीमा भएको परिवर्तन लगायत वार्षिक आर्थिक विवरणसँग सम्बन्ध वित्तीय विवरण सहितका अनुसूचीहरू उपर छलफल गरी पारित गर्ने र आव २०८१/०८२ को लागि लेखापरिक्षकको नियुक्ति तथा निजको पारिश्रमिक निर्धारण गर्ने प्रस्ताव रहेको छ
लाभांश वितरण तथा साधारण सभा प्रयोजनका लागि कम्पनीले असोज ७ गतेदेखि २० गतेसम्म कम्पनीको बुक क्लोज गर्ने निर्णय गरेको छ । यसर्थ असोज ६ गतेसम्म नेप्सेमा कायम शेयर धनीहरू मात्रै लाभांश प्राप्त गर्न र सभामा सहभागी हुन सक्नेछन् ।
