काठमाडौं । बुधवार पनि नेप्से परिसूचक घटेको छ। नेप्से परिसूचक आज ९.१८ अंकले गिरावट हुँदा १८५७.२३ विन्दुमा बन्द भएको छ ।
कारोबार रकम पनि आज ६२ करोडमा सीमित भएको छ । १८ हजार ८७६ वटा कारोबारमा २१ लाख ५५ हजार ५८६ कित्ता सूचीकृत धितोपत्र कारोबार हुँदा ६२ करोड २ लाख ६६ हजारको कारोबार भएको छ । मंगलबार ६९ करोडको कारोबार भएको थियो ।
जसमध्ये शिवम् सिमेन्टको सर्वाधिक ३ करोड ५ लाख रुपैयाँको सेयर कारोबार हुँदा हिमालयन डिस्टिलरीको २ करोड ५६ लाख र हिमाल दोलखा हाइड्रोपावरको २ करोड २९ लाख रुपैयाँको सेयर कारोबार भएको छ ।
उत्पादनमूलक र म्युचुअल फन्ड बाहेक सबै उपसूचकमा गिरावट हुँदा नेप्से पनि घटेको हो । होटल तथा पर्यटन उपसूचक १.४८ प्रतिशतले गिरावट हुँदा हाइड्रोपावर उपसूचक १.२४ प्रतिशत र अन्य उपसूचक १.०५ प्रतिशतले गिरावट भएको छ ।
