काठमाडौँ। निरन्तर रुपमा बढेको सुनको मूल्यमा अमेरिकी राष्ट्रपतिमा डोनाल्ड ट्रम्पको जीतसँगै गिरावट आउन थालेको छ। सोही अनुसार नेपाली बजारमा आजपनि सुनको मूल्यमा गिरावट आएको छ।
गत शुक्रवार प्रतितोला २ हजार रुपैयाँले बढेको सुनको भाउ आज भने घटेको हो । आज सुनको मूल्य प्रतितोला ५ सय रुपैयाँले घटेको नेपाल सुनचाँदी व्यवसायी महासंघले जनाएको छ। महासंघका अनुसार आज छापावाला सुनको मूल्य प्रतितोला १ लाख ६६ हजार रुपैयाँ कायम भएको छ ।
त्यस्तै आज चाँदीको मूल्य समेत घटेको छ । चाँदीको मूल्य आज २० रुपैयाँले घट्दै प्रतितोला १ हजार ९६० रुपैयाँमा कारोबार भईरहेको छ ।
