काठमाडौँ । गत आर्थिक वर्षको सञ्चित नाफाबाट इमर्जिङ्ग भेन्चर लिमिटेडले लाभांश घोषणा गरेको छ ।
लाभांश पारित गर्न कम्पनीले मंसिर २१ गते बिहान साढे १०ः३० बजे कृष्ण टावर नयाँ बानेश्वर, काठमाडौँमा दोस्रो वार्षिक साधारण सभा आह्वान गरेको छ ।
कात्तिक २८ गते बसेको सञ्चालक समितिको बैठकले गत वर्षको नाफाबाट करसहित १० प्रतिशतका दरले ९ करोड ४ लाख रुपैयाँ बराबरको नगद लाभांश वितरण गर्ने प्रस्ताव गरेको हो ।
सभाले सञ्चालक समितिको वार्षिक प्रतिवेदन, लेखा परीक्षकको प्रतिवेदनसहित २०८१ असारसम्मको वासलात, हिसाब तथा नगद प्रवाह विवरण र सोही अवधिको वार्षिक वित्तीय विवरण प्रस्तुत गर्ने जनाएको छ ।
