काठमाडौं। नेपाली कांग्रेसका प्रवक्ता एवं पूर्वमन्त्री प्रकाशशरण महतले नेपाल राष्ट्र बैंकको गभर्नर आफूहरुको मागमा पर्नुपर्ने बताएका छन् । आज दाङमा आयोजित नेता तथा कार्यकर्ता भेटघाट कार्यक्रममा उनले नेपाल विद्युत प्राधिकरणको कार्यकारी निर्देशकमा सत्तारुढ दल नेकपा (एमाले) को प्रस्ताव स्वीकार गरिएको र गभर्नर कांग्रेसले पाउनुपर्ने बताएका हुन् ।
प्रधानमन्त्री केपी शर्मा ओली नेतृत्वको सरकारले तत्कालीन कार्यकारी निर्देशक कुलमान घिसिङलाई बर्खास्त गर्दै हितेन्द्रदेव शाक्यलाई प्राधिकरणको कार्यकारी निर्देशकमा नियुक्त गरेको थियो ।
अहिले गठबन्धनको सरकार भएकाले कांग्रेसले कम्तीमा ५० प्रतिशत पाउनुपर्ने उनले बताए । हुँदै नहुनु भन्दा ५० प्रतिशतमात्रै पाएको कुरालाई राम्रो मान्नुपर्ने उनले बताए । उनले कांग्रेस सत्तामा नहुँदा नेता तथा कार्यकर्ताहरुले असुरक्षित महसुस गरेको, पुलिस प्रशासनलाई जायज कुरा भन्यो भने पनि टेरपुच्छर नलगाएको उयनले बताए ।
