काठमाडौं। सेयर बजारको घट्दो यात्राले बुधबार पनि निरन्तरता पाएको छ । आजसहित बजार लगातार ३ दिन घटेको हो ।
आज नेपाल स्टक एक्सचेञ्ज (नेप्से) ५.६१ अकंले घटेर २६२६.३६ बिन्दुमा कायम भएको छ। आज ३१४ कम्पनीको २ करोड ४६ लाख ४१ हजार कित्ता शेयर किनबेच हुँदा ९ अर्ब ३७ करोडको शेयर कारोबार भएको हो।
बुधबार ३ वटा कम्पनीमा सकारात्मक सर्किट लागेको छ भने एउटा कम्पनी नकारात्मक सर्किट लेबलमा कारोबार भएको छ। आज ५ उपसूचकमा हरियाली देखिए पनि ८ उपसूचक राताम्य भएका छन् । यसदिन १०७ कम्पनीको शेयर मूल्य घटेको छ भने १३६ कम्पनीको बढेको हो ।
नेपाली शेयर बजार महिनौँदेखि साइडवेज ट्रेन्डमा चलिरहेको छ, जसका कारण लगानीकर्ताहरू अन्योलमा परेका छन् । बजार २५ सयदेखि २८ सय बिन्दुको सीमामा अड्किँदा लगानीकर्तालाई ‘वेट एन्ड वाच’ स्थितिमा देखिएका छन् ।
बैंकको ब्याजदर घटिरहेको, तरलता प्रशस्त रहेको र सेयर धितो कर्जामा प्राथमिकता दिइँदै आएको अवस्थामा पनि बजारमा उत्साह देखिएको छैन ।
