काठमाडौं । सगरमाथा लुम्बिनी इन्स्योरेन्स कम्पनी ‘सलिको’ २७ वर्ष पुरा गरेर २८ औं वर्षमा प्रवेश गरेको छ । यस अवसरमा सगरमाथा इन्स्योरेन्स कम्पनी र लुम्बिनी जनरल इन्स्योरेन्स कम्पनी एकिकरण भइ कायम हुन आएको सगरमाथा लुम्बिनी इन्स्योरेन्स कम्पनी सलिको मार्फत थप सशक्त, सवल, गतिशील र विश्वसनीय बीमा सेवा उपलब्ध गराउने कम्पनीले प्रण गरेको छ ।
साथै, २८औं वर्षको अवसरमा सलिकोले आफ्ना ग्राहकहरुलाई थप सशक्त, सबल, गतिशील र विश्वसनीय बीमा सेवा दिने प्रतिवद्धता गरेको छ ।
कम्पनीले आफ्नो व्यवसायिक यात्रामा निरन्तर साथ र सहयोग पुर्याउने सम्पुर्ण ग्राहकवर्ग, शेयरधनी तथा सवेश्चछुकहरु प्रति कृतज्ञता व्यक्त गरेको छ । कम्पनीले गत आर्थिक वर्षमा ४ खर्ब ५५ करोड रुपैयाँ बीमा शुल्क आर्जन गरेको छ ।
कम्पनीले बीमितलाई तीन अर्ब ९ करोड रुपैयाँ दाबी भुक्तानी गरिसकेको छ । एक वर्षको अवधिमा ३ लाख ११ हजार ३५८ वटा बीमालेख जारी गर्न सफल भएको छ । कम्पनीले ११३ वटा शाखा कार्यालय मार्फत निर्जीवन बीमा सेवा सञ्चालन गर्दै आइरहेको छ । यसका लागि कम्पनीमा ६३७ जना जनशक्ति समर्पित छन् ।
मर्जर पश्चात २ अर्ब ६२ करोड रुपैयाँ चुक्ता पूँजी कायम भएको छ भने नेटवर्थ ५ अर्ब ९० करोड रुपैयाँ रहेको छ । निर्जीवन बीमा व्यवसायमा अग्रणी र छुट्टा छुट्टै इतिहास बनाएका दुई कम्पनीको मर्जरले थप सिनर्जी प्राप्त भएको छ ।
लगातार भइरहेको हेलिकप्टर दुर्घटनाको दाबी भुक्तानी गर्नु पर्ने अवस्थाका बाबजुद पनि कम्पनीले यस वर्ष उल्लेख्य व्यवसाय गर्न सफल भएको हो । हवाइ दुर्घटनाकै कारण दाबी भुक्तानी रकम बढेको हो ।
यो अवधिसम्म कम्पनीले देशभरका ११३ वटा शाखाका ६३७ जना कर्मचारीमार्फत ग्राहकहरुलाई सेवा दिइरहेको छ ।
