काठमाडौँ । नेपाली बजारमा आज सुनको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार सुन तोलाको मूल्य एकैदिनमा ३ हजार ५०० रुपैयाँले बढेर प्रतितोला २ लाख ५६ हजार ६०० रुपैयाँमा कारोबार भइरहेको छ।
पछिल्ला केही दिनदेखि अन्तरराष्ट्रिय बजारमा भएको उतार–चढाव तथा स्थानीय माग आपूर्तिमा आएको परिवर्तनका कारण सुनको मूल्य निरन्तर उकालो लागेको महासंघले जनाएको छ। महासंघका अनुसार छापावाला सुनको मूल्य पनि उस्तै अनुपातमा बढेको छ।
यता, चाँदीको मूल्यमा पनि वृद्धि भएको छ। चाँदी प्रतितोला १०० रुपैयाँले बढेर ३ हजार ९०५ रुपैयाँमा पुगेको छ। पछिल्लो समय अन्तरराष्ट्रिय बजारमा चाँदीको कारोबार सक्रिय बन्दै गएको छ, जसको प्रभाव नेपाली बजारमा पनि देखिएको व्यवसायीहरूको भनाइ छ।
