काठमाडाैं । रुपन्देहीको कोटहीमाई गाउँपालिकाका इन्जिनियर अरविन्दकुमार यादवविरुद्ध भ्रष्टाचार मुद्दा दायर भएको छ । ४५ हजार रुपैयाँ घुस रकमसहित पक्राउ परेका यादवविरुद्ध भ्रष्टाचार मुद्दा दायर भएको हाे ।

अख्तियार दुरुपयोग अनुसन्धान आयोगले उनीविरुद्ध सोमवार विशेष अदालतमा मुद्दा दायर गरेको हो ।

कोटहीमाई गाउँपालिका वडा नम्बर ७ अन्तर्गतको सडक पीसीसी ढलान र ग्राबेल गर्ने कार्यको नापजाँच पश्चात भुक्तानी दिने प्रयोजनार्थ सेवाग्राहीसँग यादवले ४५ हजार रुपैयाँ घुस लिइसकेको अवस्थामा पक्राउ गरिएको आयोगका प्रवक्ता भोला दाहालले बताए ।

गत असार २० गते उनलाई अख्तियारको टोलीले रंगेहात पक्राउ गरेको थियो ।