काठमाडौँ। पछिल्ला दिनहरूमा दैनिक नयाँ रेकर्ड बनाउँदै आएको सुनको मूल्यमा आज केही ब्रेक लागेको छ। स्थानीय बजारमा आज सुनको मूल्य अघिल्लो दिनको तुलनामा प्रतितोला ४ सय रुपैयाँले घटेको हो।
नेपाल सुनचाँदी व्यवसायी महासंघले सार्वजनिक गरेको मूल्यसूचीअनुसार आज सुन प्रतितोला २ लाख ६७ हजार ७ सय रुपैयाँमा कारोबार भइरहेको छ। अघिल्लो दिन भने सुन प्रतितोला २ लाख ६८ हजार १ सय रुपैयाँमा कारोबार भएको थियो, जुन मूल्य एकै दिनमा ३ हजार १ सय रुपैयाँले बढेको थियो।
यता, चाँदीको मूल्य भने आज बढेको छ। आज चाँदी प्रतितोला ५५ रुपैयाँले वृद्धि भई ४ हजार ९३५ रुपैयाँमा कारोबार भइरहेको महासंघले जनाएको छ। हालको चाँदीको मूल्य हालसम्मकै उच्च हो।
