काठमाडौं। लामो समयदेखि राजनीतिमा समेत सक्रिय रहेकी सानिमा रिलायन्स लाइफ इन्स्योरेन्सकी चिफ बिजनेश अफिसर नमिता न्यौपाने कोशी प्रदेशबाट राष्ट्रियसभाको उम्मेदवार सिफारिस भएकी छन्। न्यौपाने नेपाली कम्युनिष्ट पार्टीबाट राष्ट्रियसभाको उम्मेदवार सिफारिस भएकी हुन्।
नेपाली राजनीति र जीवन बीमाको माध्यमबाट आम सर्वसाधारणको सेवा गरीरहेकी न्यौपानेले विराटनगर महानगरपालिकाबाट तत्कालिन नेकपा माओवादी केन्द्रबाट मेयर पदमा चुनाव लडेर सम्मानजनक मत ल्याएकी थिइन् । उनले गाउँका हजारौ मानिसहरुको बीमा गर्दै उनीहरुको जोखिम रक्षावरणमा समेत महत्वपूर्ण भुमिका निर्वाह गरेकिछिन् ।
जीवन बीमा व्यवसायलाई जीवनको अभिन्न अंग बनाएर अघि बढेकी विराटनगरकी समाजसेवी नमिता न्यौपानेले छोटो अवधीमा नै आफूलाई देशकै अब्बल र स्थापित बीमा व्यवसायीको रुपमा परिचय बनाउन सफल भएकिछिन् ।
