काठमाडौं। आज नेप्से परिसूचक ९.२३ अंकले बढेको छ। बुधबार झण्डै दोहारो अंकले घटेको नेप्से परिसूचक आज बढेर २,७१४.६१ मा पुगेको हो।
आज कुल १ करोड ९० लाख ७५ हजार कित्ता सेयर करिब ९ अर्ब ७ करोड ३९ लाख रुपैयाँमा कारोबार भएको छ। आज १६२ कम्पनीको सेयर मूल्य बढ्दा, ८८ कम्पनीको सेयर मूल्य घटेको छ भने १० कम्पनीको सेयर मूल्य स्थिर रहेको छ।
सबैभन्दा बढी कारोबार आँखुखोला जलविद्युतको सेयरमा भएको छ, जसको कुल कारोबार ४० करोड ८२ लाख रुपैयाँ पुगेको छ।
त्यसैगरी, मन्जु श्री फाइनान्सको ३५ करोड ८१ लाख, एसवाई प्यानलको ३२ करोड ९५ लाख, बन्दीपुर केबलकारको २८ करोड २६ लाख, र श्रीनगर एग्रीटेकको २४ करोड ९७ लाख रुपैयाँ कारोबार भएको छ।
