काठमाडौँ। प्रभु बैंक लिमिटेडका प्रमुख कार्यकारी अधिकृत अशोक शेरचनले दिएको राजीनामालाई बैंकले औपचारिक रूपमा अनुमोदन गरेको छ। बैंकको माघ १९ गते सम्पन्न सञ्चालक समितिको बैठकले उनको राजीनामा स्वीकृत गर्ने निर्णय गरेको हो ।
बैंकको नेतृत्व कामु रूपमा सम्हाल्ने जिम्मेवारी सहायक महाप्रबन्धक निरज लम्साललाई दिइएको छ । यसअघि मंसिर १४ गते बसेको सञ्चालक समितिको बैठकले अर्को व्यवस्था नहुँदासम्मका लागि लम्साललाई कामु प्रमुख कार्यकारी अधिकृतको जिम्मेवारी सुम्पिएको थियो ।
