काठमाडौं। साताको चौथो कारोबार दिन बुधबार नेप्से परिसूचकमा झिनो अंकको गिरावट देखिएको छ। नेप्से आज १.६४ अंकले घटेर २,६८१.५० विन्दुमा बन्द भएको हो।
आज १ करोड ६६ लाख ८२ हजार कित्ता शेयर कारोबार भएका छन्, जसको कुल मूल्य ७ अर्ब ४९ करोड ९७ लाख रुपैयाँ रहेको छ।
आज ११३ कम्पनीको शेयर मूल्य बढेको छ भने १३४ कम्पनीको मूल्यमा गिरावट देखिएको छ। १३ कम्पनीको शेयर मूल्य स्थिर रहेको छ।
बजारमा कालिञ्चोक दर्शन, सुपर माई हाइड्रोपावर, सुपर मादी हाइड्रोपावर र आँखु खोला जलविद्युत कम्पनीका शेयरमा सकारात्मक सर्किट लागेको छ। सबैभन्दा बढी कारोबार आँखु खोला जलविद्युतमा भएको छ, आँखु खोलाको करिब ८० करोड रुपैयाँ बराबरको शेयर किनबेच भएको छ।
