काठमाडौं । नेपाल बैंक लिमिटेडले कर्जा चुक्ता नगर्ने ऋणीहरुलाई ३५ दिनभित्र कर्जा चुक्ता गर्न आग्रह गरेको छ । ३५ दिनभित्र कर्जा चुक्ता नगरे धितोमा रहेको घरजग्गा समेत लिलाम गर्ने बैंकले जनाएको छ ।
बैंकबाट कर्जा सुविधा उपभोग गरी बैंकलाई तिर्नुपर्ने साँवा ब्याजसमेत नतिरेपछि बैंकले लिखित तथा मौखिक रुपमा ताकेता गर्दा समेत कर्जा चुक्ता नगरेपछि ३५ दिने म्यादसहित कर्जा चुक्ता गर्न आग्रह गरेको हो ।
यो समयावधिभित्र पनि कर्जा चुक्ता नगरेमा धितोमा रहेको सम्पत्ति लिलाम गरी बिक्री गरिने तथा ऋणी तथा जमानतकर्ताको नाम कर्जा सूचना केन्द्रको कालोसूचीमा समेत राखिने बैंकले जनाएको छ ।
