काठमाडौं । सर्वोच्च अदालतले निर्वाचन आयोगका नाममा अन्तरिम आदेश जारी गरेको छ । निर्वाचन खर्चको बारेमा जरिवाना नगर्न सर्वोच्चले अन्तरिम आदेश जारी गरेको हाे ।
आज (शुक्रबार) सर्वोच्चका न्यायाधीश विश्वम्भरप्रसाद श्रेष्ठको इजलासले निर्वाचन खर्च नबुझाएको कारणबाट १५ हजार रुपैयाँ जरिवाना नगर्न निर्वाचन आयोगका नाममा अन्तरिम आदेश जारी गरेको हो ।
मोरङ-२ का हाम्रो नेपाली पार्टीबाट प्रतिनिधिसभा उम्मेद्वार विनोद भट्टराईले आफूले खर्च विवरण फेसबुकमार्फत सार्वजनिक गर्दा पनि आयोगले १५ हजार रुपैयाँ जरिवानाको निर्णय गरेको भन्दै सर्वोच्च रिट दायर गरेका थिए ।
