काठमाडौं। आज सेयर बजारमा सामान्य गिरावट देखिएको छ। सोमबार नेप्से परिसूचक ४.१८ अंकले घट्दै २८३३.६० बिन्दुमा पुगेको हो।
आज कुल २ करोड १ लाख ६३ हजार कित्ता सेयर किनबेच हुँदा ८ अर्ब ६६ करोड ५५ लाख रुपैयाँ बराबरको कारोबार भएको छ ।
बजारमा कारोबार भएका मध्ये १०५ वटा कम्पनीको सेयर मूल्य बढेको छ भने १५३ वटा कम्पनीको घटेको छ । त्यस्तै १२ वटा कम्पनीको मूल्य स्थिर रहेको छ ।
आज सुपर खुदी हाइड्रोपावर, सूर्यकुण्ड हाइड्रो इलेक्ट्रिक, होटल फरेष्ट इन, पाल्पा सिमेन्ट, रिज लाइन इनर्जी र शिखर पावर डेभलपमेन्टलगायत कम्पनीमा सकारात्मक सर्किट लागेको छ, जसमा अधिकतम १० प्रतिशतसम्मको वृद्धि देखिएको छ।
