काठमाडौं । आज साताको पहिलो दिन (आइतबार) शेयर बजार बढेको छ । आज शेयर बजार नेप्से परिसूचक १४.८१ अंकले बढेर २,०८०.८६ को विन्दुमा कायम भएको छ ।

आज १ सय कम्पनीको शेयर मुल्य बढेको छ भने ११७ कम्पनीको शेयर मुल्य घटेको छ ।

आज २७१ कम्पनीको ९७ लाख १८ हजार ७५४ कित्ता शेयर किनबेच हुँदा ३ अर्ब १ करोड ८४ लाख रुपैयाँको शेयर कारोबार भएको छ ।

आज सबैभन्दा धेरै नेपाल लाइफ इन्स्योरेन्सको संस्थापक शेयर किनबेच भएको छ । आज यस कम्पनीको संस्थापक शेयर ५८ करोड ४५ लाख रुपैयाँको कारोबार भएको छ । घोराही सिमेन्टको २३ करोड १५ लाख रुपैयाँको शेयर कारोबार भएको छ । त्यस्तै सोल्टी होटल, माउन्टेन इनर्जीको धेरै शेयर कारोबार भएको छ ।

आज सबैभन्दा धेरै थ्रि स्टार हाइड्रोपावर कम्पनीका लगानीकर्ताले कमाउका छन् । आज यस कम्पनीका लगानीकर्ताले १० प्रतिशतका दरले कमाएका छन् । त्यस्तै अपर सांङगे हाइड्रोपावरका लगानीकर्ताले ९.९८ प्रतिशतका दरले कमाएका छन् । माउन्टेन इनर्जीका लगानीकर्ताले ९.७४ प्रतिशतका दरले कमाएका छन् ।

आज सबैभन्दा धेरै घोराही सिमेन्टका लगानीकर्ताले गुमाएका छन् । आज यस कम्पनीका लगानीकर्ताले ९.९९ प्रतिशतका दरले गुमाएका हुन् ।

त्यस्तै अभियान लघुवित्त, सिंगटी हाईड्रोपावर, मकर हाईड्रोपावर, श्वेत गंगा, ग्लोबल आइएमई बैंकको ब्यालेन्स फण्ड, नेपाल रिपब्लिक मिडिया, स्वभिमान लघुवित्त, प्रभु बैंकको डिभेञ्चर ८६, मोदी इनर्जीको शेयर मूल्यमा गिरावट आएको छ।