काठमाडौं। साना किसान लघुवित्त कम्पनीले गत आर्थिक वर्षको चौथो त्रैमासिक वित्तिय विवरण सार्वजनिक गरेको छ । कम्पनीले सार्वजनिक गरेको वित्तीय विवरण अनुसार गत आर्थिक वर्ष(२०७९/८०) को चौथो त्रैमाससम्म कम्पनीको खुद नाफा ८१ करोड ४१ लाख ४१ हजार रुपैयाँ पुगेको छ । जुन अघिल्लो आर्थिक वर्षको तुलनामा १६.७५ प्रतिशत धेरै हो । अघिल्लो आर्थिक वर्षको सोही अवधिमा ६९ करोड ७३ लाख ४२ हजार रुपैयाँ खुद नाफा कमाएको थियो ।
समिक्षा अवधिमा कम्पनीको खुद ब्याज आम्दानी २३.९७प्रतिशतले बढेर १ अर्ब ६६ करोड ९ लाख ८२ हजार रुपैयाँ पुगेपछि खुद नाफा बढेको हो ।
यस अवधिमा कम्पनीको चुक्ता पुँजी ३ अर्ब ३३ करोड १६ लाख रुपैयाँ पुगेको छ । रिजर्भ कोषको आकार पनि १०१.१६ प्रतिशतले बढेर ३ अर्ब ५१ करोड १८ लाख रुपैयाँ पुगेको छ ।
वितरणयोग्य १ अर्ब ७३ करोड रुपैयाँ भन्दा बढी रहँदा प्रतिसेयर वितरणयोग्य नाफा ५२.२१ रुपैयाँ देखिएको छ ।
