काठमाडौं । केराको मूल्य धेरै बढेपछि नेपाल केरा उत्पादक महासंघले सरकारको ध्यानाकर्षण गराएको छ । केराको मूल्यमा बिचौलियाहरूको अत्यधिक हस्तक्षेप रहेको भन्दै महासंघले सरकारको ध्यानाकर्षण गराएको हो ।
महासंघले एक प्रेस विज्ञप्ति जारी गर्दै किसानले बारीमा पाउने मूल्य र उपभोक्ताले बजारमा तिर्ने मूल्यबीचको ठूलो अन्तरले दुवै पक्ष मारमा परेको जनाएको हो ।
महासंघले बजार अनुगमन प्रभावकारी बनाइ बिचौलिया नियन्त्रण गर्नुपर्ने, यूनतम समर्थन मूल्य निर्धारण गर्नुपर्ने, कृषि बीमा प्रणालीलाई सरल, छिटो र प्रभावकारी बनाउनुपर्ने र गुणस्तरीय टिस्युकल्चर बिरुवा र रासायनिक मलको सहज आपूर्तिको व्यवस्था गर्न माग गरेको छ ।
