काठमाडौँ। नवनियुक्त प्रधानमन्त्री केपी शर्मा ओलीले पद तथा गोपनीयताको शपथ लिएका छन्।
राष्ट्रपति कार्यालय शीतल निवासमा राष्ट्रपति रामचन्द्र पौडेलसमक्ष नेपालको ४५औँ प्रधानमन्त्रीका रूपमा ओलीले पद तथा गोपनीयताको शपथ लिएका हुन्।
नेपाली कांग्रेस र नेकपा एमाले समर्थनमा एमाले अध्यक्ष ओलीलाई प्रधानमन्त्री नियुक्त गरेका थिए। प्रतिनिधिसभाका दुई ठुला राजनीतिक दल कांग्रेस र एमालेबीचको असार १७ मा भएको सहमतिका आधारमा अध्यक्ष ओली प्रधानमन्त्रीमा नियुक्त भएका हुन्।
राष्ट्रपति पौडेलले असार २८मा प्रतिनिधिसभामा रहेका दुई वा दुईभन्दा बढी दललाई प्रधानमन्त्रीको दाबी पेस गर्न असार ३० अपराह्न ५ बजेसम्मको समय दिएका थिए।
नवनियुक्त प्रधानमन्त्री सहित राष्ट्रपति पौडेलले मन्त्रीहरूलाई समेत शपथ खुवाएका छन्। शपथ ग्रहण कार्यक्रममा शीर्ष नेताहरूको उपस्थिति रहेको थियो ।
