काठमाडौँ। नेपाल पूर्वाधार विकास बैंक (निफ्रा) बाट एनआईसी एसिया बैंक बाहिरिने भएको छ । बैंकले निफ्रामा रहेको आफ्नो १० लाख कित्ता सेयर बिक्री गरेर बाहिरिन भएको हो ।
सूचना अनुसार एनआईसीले निफ्रामा रहेको आफ्नो सेयर प्रतिकित्ता १०१ रुपैयाँको दरमा नै बिक्री गर्न लागेको छ। बैंकको स्वामित्वको उक्त सेयर संस्थापक सेयरधनीले मात्र नभएर सर्वसाधारण व्यक्ति, संस्था वा कम्पनीहरूले पनि खरिद गर्न सक्नेछन् ।
कम्पनीको धितोपत्र प्रबन्धक एनआईसी एसिया क्यापिटलमा इच्छुकले असार १७ गतेसम्म आवेदन दिन सक्नुपर्ने छ। आवेदकले थोरैमा १० हजार कित्ता बोलकबोल गर्नुपर्नेछ ।
