काठमाडौँ। चालु आर्थिक वर्ष २०८२/८३ मा नेपालको आर्थिक वृद्धीदर ३.५ प्रतिशतमा सीमित हुने प्रक्षेपण गरिएको छ।अर्थ मन्त्रालयले सोमबार जारी गरेको देशको वर्तमान आर्थिक स्थितीपत्रमा चालु आवमा नेपालको आर्थिक वृद्धिदर ३.५ प्रतिशतले विस्तार हुने प्रक्षेपण गरिएको हो।
आर्थिक स्थितीपत्रमा छिमेकी देशहरुको तुलनामा आर्थिक वृद्धिदर निकै कम रहेको पनि उल्लेख छ । पछिल्लो दशकमा नेपालको वार्षिक आर्थिक वृद्धिदर ४.२ प्रतिशत रहेको जनाइएको छ । यस अवधिमा नेपालको अर्थतन्त्र न्यूनतम २.४ प्रतिशतको संकुचनदेखि अधिकतममा ९ प्रतिशतसम्मको विस्तार भएको छ।
यसैबीच अर्थतन्त्रमा कृषि र उद्योगको योगदानमा गिरावट आउँदै जादा सेवा क्षेत्रको योगदान विस्तार हुँदै गएको उल्लेख छ। आर्थिक वर्ष २०७२/७३ मा कृषि क्षेत्रको योगदान २८.४ प्रतिशत रहेकोमा २०८१/८२ मा २५.२ प्रतिशत रहेको छ।
यस्तै सेवा क्षेत्रको योगदान ५७.५ प्रतिशतबाट बढेर ६२ प्रतिशत पुगेको छ । सोही अवधिमा उद्योग क्षेत्रको योगदान १४.१ प्रतिशतबाट घटेर १२.८९ प्रतिशतमा झरेको छ।
