काठमाडौं। हिमालयन बैंक लिमिटेडले भदौ महिनाका लागि ब्याजदर घटाएको छ । भदौ १ गतेदेखि लागू हुने गरी निक्षेपको ब्याजदर घटाएको हो।
बैंकले मुद्दती निक्षेपमा व्यक्तिगततर्फ अधिकतम ७ प्रतिशत र संस्थागतमा अधिकतम ६ प्रतिशत ब्याजदर निर्धारण गरेको छ। रेमिटेन्समा भने बैंकले १ प्रतिशत बढी ब्याज दिने भएको छ ।
साउन महिनाका लागि बैंकले व्यक्तिगतमा अधिकतम ७.५०० प्रतिशत र संस्थागतमा ६.५०० प्रतिशत ब्याजदर निर्धारण गरेको थियो । साधारण बचत खातामा बैंकले न्यूनतम ३.२५० प्रतिशत देखि अधिकतम ५.२५० प्रतिशत सम्म ब्याजदर कायम गरेको छ ।
