काठमाडौं । समस्याग्रस्त सहकारी व्यवस्थापन समितिको कार्यालयले समस्याग्रस्त सहकारी संस्थाका सञ्चालक, व्यवस्थापक, ऋण सदस्य र कर्मचारीलाई १५ दिनभित्र दायित्व फरफारक गर्न निर्देशन दिएको छ ।
कार्यालयले आज सूचना जारी गरी समस्याग्रस्त १८ वटा सहकारीलाई १५ दिन भित्र दायित्व फरफारक गर्न आग्रह गरेको हो ।
सो अवधिमा दायित्व बुझाउन नआएमा निज ऋणी र निजको एकाघर परिवारको सम्पत्ति तथा बैंक खाता रोक्का गर्ने, कालोसूचीमा राख्ने चेतावनी समेत दिएको छ ।
यस्तै कार्यालयले रोक्कामा राखिएका सम्पत्ति लिलाम बिक्री गरी ऋण असुल गर्न सक्ने समेत जनाएको छ ।
