काठमाडाैं । जिल्ला प्रशासन कार्यालय ललितपुरले भाटभटेनी डिपार्टमेन्ट स्टोरलाई कारबाही गरेकाे छ । भाटभटेनीलाई जिल्ला प्रशासन कार्यालयले १ लाख रुपैयाँ जरिवाना गरेको छ ।
ललितपुर जिल्लाका सहायक प्रमुख जिल्ला अधिकारी अमरदीप सुनुवारसहितको टोलीले मंगलबार मानभवनस्थित कृष्णगल्लीमा रहेको भाटभटेनीको विग मार्ट र पुल्चोकको सेलवेज डिपार्टमेन्ट अनुगमन गरेको थियो ।
त्यसक्रममा म्याद सकिएको घिउ, अण्डा बिक्री गरेको पाइएपछि भाटभटेनीलाई एक लाख रुपैयाँ जरिवाना गरिएको सहायक प्रजिअ सुनुवारले जानकारी दिए ।
त्यस्तै विग मार्टले बिक्री गर्ने हरियो तरकारीमा कम तौल पाइएपछि १० हजार रुपैयाँ जरिवाना र म्याद सकिएको बियर बिक्री गरेको भेटिएपछि दश हजार जरिवाना गरिएको छ ।
