काठमाडौं । नेपाली सेयर बजारमा आज भारी गिरावट भएको छ ।
आज नेप्से परिसूचक ३४।६३ अंकले घट्दै २७०४।०८ बिन्दुमा झरेको छ । कारोबार रकम पनि खुम्चिँदै करिब ४ अर्ब २६ करोड रुपैयाँमा सीमित भएको छ, जहाँ १ करोडभन्दा बढी कित्ता सेयर किनबेच भएका छन् ।
बजारमा अधिकांश कम्पनीको मूल्य ओरालो लागेको देखिएको छ । कुल कारोबार भएका कम्पनीमध्ये २७ वटाको सेयर मूल्य बढ्दा २४० वटाको घटेको छ भने २ वटाको मूल्य स्थिर रहेको छ ।
आज फोरवार्ड माइक्रो फाइनान्सको सेयर मूल्य करिब १५ प्रतिशतले बढ्दै शीर्ष वृद्धि गर्ने कम्पनी बन्यो । कारोबारका आधारमा भने एनआरएन इन्फ्रास्ट्रक्चर अग्रस्थानमा रह्यो, जसको ३१ करोड रुपैयाँभन्दा बढीको सेयर किनबेच भयो ।
यसैगरी Reliance Spinning Mills, National Hydropower, Aankhukhola Hydropower र NIC Asia Bank का सेयरमा पनि उल्लेख्य कारोबार भएको छ ।
