काठमाडौँ। एनएमबी बैंक लिमिटेडले संस्थापक सेयर बिक्रीमा ल्याएको छ। बैंकले संस्थापक सेयर धनीहरूको नाममा रहेको १ लाख २३ हजार ३२४ कित्ता सेयर बिक्रीमा राखिएको हो।
उक्त सेयर संस्थापक बाहेकका अन्य व्यक्ति वा संस्थाले मात्रै खरिद गर्न सक्नेछन्। इच्छुक लगानीकर्ताले आवश्यक पर्ने कागजात सहित ७ दिनभित्र काठमाडौँको बालुवाटारस्थित एनएमबी क्यापिटल लिमिटेडको कार्यालयमा निवेदन दिनु पर्ने जनाएको छ।
खरिदकर्ताले उल्लेखित सम्पूर्ण सेयर खरिद गर्नुपर्ने सूचनामा उल्लेख गरिएको छ । सेयर खरिदको निवेदन प्राप्त भएपछि बिक्रेता संस्थापकसँग समन्वय गरेर आपसी सहमतिमा मात्र सेयर खरिद बिक्री प्रक्रिया अघि बढाइने बैंकले जनाएको छ ।
