काठमाडौँ। केही साता लगातार रूपमा गिरावट आएको सुनको मूल्य पुनः बढ्न थालेको छ । नेपाली बजारमा आज सुनको मूल्य प्रतितोला १ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ५० हजार ४ सय रुपैयाँ कायम भएको छ । अघिल्लो दिन सुनको मूल्य प्रतितोला १ लाख ५० हजार ३ सय रुपैयाँमा कारोबार भएको थियो ।
आज चाँदीको मूल्य पनि बढेको छ। चाँदीको मूल्य २० रुपैयाँले बढ्दै प्रतितोला १ हजार ८६५ रुपैयाँ कायम भएको छ। सुनचाँदी घट्ने आधार नभएको कारण थप मूल्य बढेर जाने महासंघको भनाई छ ।
