काठमाडौं । नेपाल स्टक एक्सचेन्ज (नेप्से) मा ३ कम्पनीको बोनस सेयर सूचीकृत भएको छ । नेप्सेमा शिवम् सिमेन्ट्स सहित अनय दुई कम्पनीको बोनस सेयर सुचीकृत भएको हो ।
शिवम् सिमेन्ट्सको ८.५५ प्रतिशत, फस्र्ट माइक्रोफाइनान्सको ९ प्रतिशत र कृषि विकास बैंकको ३ प्रतिशत बोनस सेयर सूचीकृत भएको नेप्सेले जनाएको छ ।
जसमा शिवमको ४२ लाख ९८ हजार ८५ कित्ता, फस्र्टको ११ लाख १० हजार ४४४।२१ कित्ता र कृषि विकास बैंकको ४० लाख ३५ हजार ५०२।२२ कित्ता बोनस सेयर सूचीकृत भएको हो । उक्त सेयर डिम्याट खातामा जम्मा भएपछि कारोबार हुनेछ ।
