काठमाडौँ । नेपाल स्टक एक्सचेञ्ज (नेप्से)मा दुई कम्पनीका बोनस सेयर सूचीकृत भएका छन् । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी (एचआइडीसीएल) र ङादी ग्रुप पावरका बोनस सेयर सूचीकृत भएका हुन् ।
एचआइडीसीएलले १ दशमलव ५ प्रतिशतका दरले ३६ लाख ८३ हजार ९७२ कित्ता बोनस सेयर सूचीकरण गराएको छ भने ङादी ग्रुप पावरको ४ दशमलव ७५ प्रतिशतका दरले १७ लाख ५८ हजार ७१५ कित्ता बोनस सेयर पनि नेप्सेमा समावेश गरिएको छ ।
सूचीकृत भइसकेका यी सेयरहरू बजारमा भोलिदेखि नै किनबेच गर्न सकिने जनाइएको छ ।
